महाराष्ट्र शासनाच्या महाज्योती, नागपूर या स्वायत्त संस्थेमार्फत नागपूर महाराष्ट्रातील इतर मागासवर्गीय, विमुक्त जाती व भटक्या जमाती तसेच विशेष मागासप्रवर्गातील 18 ते 45 वयोगटामधील तसेच नॉनक्रिमीलेअर गटातील युवक-युवतींनी निवासी व अनिवासी स्वरूपाचे विविध क्षेत्रातील मोफत कौशल्य विकास प्रशिक्षण देण्याचा प्रकल्प राबविण्यात येत आहे. या प्रकल्पात महाराष्ट्रातील इतर मागासवर्गीय, विमुक्त जाती व भटक्या जमाती तसेच विशेष मागासप्रवर्गातील बेरोजगार युवक-युवतींना नामवंत प्रशिक्षण संस्थांमधून विविध टेक्निकल तसेच नॉन टेक्निकल अभ्यासक्रमाचे प्रशिक्षण देण्यात येते. प्रशिक्षण यशस्वीरीत्या पूर्ण करणाऱ्या युवक-युवतींना रोजगाराच्या (Placements) विविध संधी उपलब्ध करून देण्यात येतात.